Скопски аеродром: Поради магла откажани и пренасочени дел од летовите

Поради магла и намалена видливост откажани се или пренасочени дел од летовите до и од Скопје.

Од аеродромот „Скопје“ попладнево се пренасочени три лета. Едниот авион кој од Цирих требаше да слета во Скопје е пренасочен кон аеродромот во Приштина, а другиот од Варшава е пренасочен кон Отопени. Кон Приштина бил пренасочен и летот на Визер од Меминген. Откажан е и лет од Истанбул, кој бил закажан за 19:45 часот.

Последниот авион од скопскиот аеродром полетал во 15:47, а летал до Белград, покажува информативниот систем на официјалната веб страница на аеродромот „Скопје“. Откажано е и полетување кон Варшава, закажано за 17:05, а откажан е и летот за Истанбул, кој бил предвиден за 20:40 часот.