Франција го започна походот кон хет-трик титули во низа на Светските ракометни првенства со победа. Бранителот на тронот во првиот настап во групата А го совлада Бразил со 24:22 (полувреме 16:13). Мем и Гигу беа најефикасни „триколорите“ и постигнаа по шест гола, прв стрелец, пак, на средбата беше Бразилецот Толедо со осум погодоци.
Србија и Русија ремизираа (30:30) во истата конкуренција во натпревар во кој обете селекции имаа прилики да слават. Но, и едните и друтите на крајот мораа да се задоволат со поделба на бодовите и победа да бараат во останатите четири средби од прелиминарната фаза на турнирот. Тимур Дибиров беше нескротлив за северниот сосед, па вардаровото крило го заврши настапот со 12 гола што, сепак, не беа доволни за „зборнаја“ да слави во Берлин. Илиќ беше лидер во српскиот состав со шест гола, Вујиќ постигна пет.
Хрватска во рамки на групата Б, во која игра и Македонија, го порази Исланд со 31:27. Палмарсон со седум гола ја предводеше листата на стрелци на мечот, по шест за „коцкестите“ на Лино Червар реализираа Лука Циндриќ и Лука Степанчиќ.
СП 2019 во ракомет
Група А, 1 коло
Бразил – Франција 22:24
Србија – Русија 30:30
Кореја – Германија 19:30
Група Б, 1 коло
Бахреин – Шпанија 23:33
Исланд – Хрватска 27:31
Јапонија – Македонија 29:38
Група Ц, 1 коло
Тунис – Норвешка 24:34
Саудиска Арабија – Австрија 22:29
Чиле – Данска 16:39
Група Д, 1 коло
Египет – Шведска 24:27
Аргентина – Унгарија 25:25
Ангола – Катар 24:23