По вчерашниот натпревар со Шпанија, попладнево веќе, за помалку од 24 часа, не чека дуел со Исланд, кој ќе биде петти на денешен датум а досега на четири средби нашата ракометна репрезентација не загубила натпревар.
Во 2009 во Хрватска на Светското првентство ја совладавме Полска со 30-29. Потоа, следеше натпревар на ЕП 2012, кога во клучен дуел ја совладавме Чешка со 27-21, додека на СП 2015 во Катар успеавме да ја добиеме Босна и Херцеговина со 25-22.
На последниот дуел кој Македонија го одиграла на денешен датум, ракометарите ремизираа со Србија (27-27) што беше доволно за пласман во наредната фаза на ЕП 2016 во Полска.
Натпреварот меѓу Македонија и Исланд се игра од 17.45 часот. Со евентуална победа, Македонија ќе го заземе третото место во групата за да го избегне во наредната фаза домаќинот на првенството, Франција.
Македонија покажа против Шпанија дека е достоен противник во ракометот
Во првото полувреме одлично издание на „црвено-жолтите“, кои конечно имаа влез во натпревар во кој важеа за аутсадери каков немаа во оние два во кои беа фаворити.
Отсуството на притисок го стори своето кај селекцијата на Македонија. Свесна дека нема што да загуби, заигра послободно, беше рамноправна, искористи моменти и да подари атракции на гледачите, па и ефектот го отсликаа и бројките на семафорот (14:14).
Второто полувреме донесе подруга слика во која главниот збор го имаше ривалот. Ја стегна одбраната, додаде гас во нападот, малку падна концетрацијата и кај „црвено-жолтите“ што, како микс, и резултатот почна да натежнува на страна на репрезентацијата со двајца „вардарци“ (Душебаев и Кањелас) и дел од соиграчите на Лазаров во Барселона.
Но резултатот 29-25 со големата Шпанија покажува дека Македонија има сили да го победи Исланд ако одигра на исто ниво.