Рафаел Надал се пласира во осминафинале на Мастерсот во Индијан Велс по триумфот во шпанската пресметка против Фернандо Вердаско со 6:3, 7:5. Петтиот носител се прикажа во добро издание вечерва и не овозможи прилика на сонародникот да го наруши неговиот победнички ритам.
Еден брејк му беше доволен на подобро рангираниот Шпанец за освојување на првиот сет. Вториот донесе нешто повеќе возбудувања и неизвесност и три брејка. Првиот го направи Надал на што, набрзо, возврати Вердаско за израмнување на 2:2.
Двајцата тенисери го држеа сопствениот сервис до 5:5. Надал тргна во налет во 11. гем, успеа по вторпат во сетот да направи брејк за веднаш потоа и да го потврди за конечни 7:5.
Противникот на Надал во осминафиналето ќе биде победникот од дуелот меѓу Роџер Федерер и Стив Џонсон.
АТП Мастерс – серија Мастерс 1000 – награден фонд 7,913.405 милиони долари
Резултати, 3 коло
Нишикори (Јапонија) – Милер (Луксембург) 6:2, 6:2
Јанг (САД) – Пуе (Франција) 6;4, 1:6, 6:3
Надал (Шпанија) – Вердаско (Шпанија) 6:3, 7:5
Јазири (Тунис) – Фриц (САД) 6:4 3:6, 6:3
ВТА Индијан Велс – серија Премиер – награден фонд 6,993.450 милиони долари
Резултати, осминафинале
Кузнецова (Русија) – Гарсија (Франција) 6:1, 6:4
Пављученкова (Русија) – Цибулкова (Словачка) 6:4, 3:6, 6:2