Новак Ѓоковиќ заврши со настапите на АТП Мастерсот во Индијан Велс. Австралиецот Ник Кирјос го победи српскиот тенисер со 6:4, 7:6 во осминафиналето и го симна од тронот на турнирот по нешто помалку од два часа игра.
Изданието на вториот светски рекет е само нова потврда дека е далеку од препознатливата форма. Ѓоковиќ одигра прилично лош меч, со многу нервоза, остави впечаток на замор што се одрази врз конечниот резултат. Кирјос, пак, беше неспоредливо поприсебен, полесно одошто и самиот очекуваше го зема вредниот скалп.
Уште на почетокот направи брејк што се покажа како доволен за осојување на првиот сет, а во вториот го комплетира триумфот преку тај-брејк. Австралиецот стави до знаење зошто многумина го гледаат како број еден во иднина и покрај неговиот проблематичен темперамент. Погодуваше од сите позиции и беше сигурен на сопствен сервис за заслужена победа на крајот.
Изненадување на машкиот дел од турнирот во Калифорнија приреди Уругваецот Куевас со победата на Давид Гофан од Белгија со 6:3, 3:6, 6:3.
АТП Мастерс – серија Мастерс 1000 – награден фонд 7,913.405 милиони долари
Резултати, осминафинале
Кирјос (Австралија) – Ѓоковиќ (Србија) 6:4, 7:6
Куевас (Уругвај) – Гофан (Белгија) 6:3, 3:6, 6:3
Нишикори (Јапонија) – Јанг (САД) 6:2, 6:4
Карено Буста (Шпанија) – Лајовиќ (Србија) 6:4, 7:6
Сок (САД) – Јазири (Тунис) 4:6, 7:6, 7:5
Федерер (Швајцарија) – Надал (Шпанија) 6:2, 6:3
Вавринка (Швајцарија) – Нишиока (Јапонија) 3:6, 6:3, 7:6
Тим (Австрија) – Монфис (Франција) 6:3 6:2
ВТА Индијан Велс – серија Премиер – награден фонд 6,993.450 милиони долари
Резултати, четврт-финале
Кузнецова (Русија) – Пављученкова (Русија) 6:3, 6:2
Ка. Плишкова (Чешка) – Мугуруза (Шпанија) 7:6, 7:6