Спорерд рускиот претседател Русија останува на ставот дека е потребно да се прекинат непријателствата, но истакна дека привремено прекинување на огнот е можно само ако се постигнат соодветни договори.
Американскиот претседател Доналд Трамп и рускиот претседател Владимир Путин денес разговараа телефонски околу два часа за војната во Украина, а поконкретно, за постигнувањето мир.
Путин изјавил дека разговорот со Трамп бил „искрен и значаен“, пренесуваат и ТАСС и Си-Ен-Ен.
-Претседателот на САД го изрази својот став за прекинот на огнот. Од моја страна, јас нагласив дека Русија е исто така посветена на мирно решавање на украинската криза. Едноставно треба да ги утврдиме најефикасните начини за постигнување мир – рече Путин.
Тој рече дека Русија останува на ставот дека е потребно да се прекинат непријателствата, но истакна дека привремено прекинување на огнот е можно само ако се постигнат соодветни договори.
Русија ќе предложи и е подготвена да соработува со Украина на меморандум во врска со евентуален мировен договор, дефинирајќи голем број позиции како што се, на пример, принципите на спогодбата, временската рамка на евентуален мировен договор, вклучително и евентуално прекин на огнот за одреден период, доколку се постигнат релевантни договори речкол Путин.
По разговорите со Путин, Трамп треба да разговара со украинскиот претседател Володимир Зеленски и лидерите на НАТО.
Си-Ен-Ен пишува дека Москва и Кијив се натпреваруваат едни со други за да покажат кој е вистинската пречка за мир, надевајќи се дека ќе влијаат на промената на мислењето на Трамп, барем засега, во нивна корист.
Неимпресивните разговори во турскиот град Истанбул минатата недела – првите директни разговори меѓу руските и украинските преговарачи по години – само го нагласија личното чувство на Трамп за централност во постигнувањето договор.
Ова го поттикна повторно да се вклучи, поканувајќи го директно Путин, во мировните напори од кои неодамна се закани дека ќе се повлече.