Руски напад со беспилотни летала во текот на ноќта во Сумската област, повреди шест лица и уби три лица, меѓу кои и едно 8-годишно момче, пренесува Кијив индепендент.
Нападот бил насочен кон населба во близина на Верхнија Сироватка околу полноќ по локално време, изјави гувернерот Олех Грихоров на Телеграм. Меѓу жртвите имало возрасен маж и жена, како и дете.
До 7:00 часот наутро по локално време, шест лица – вклучувајќи три деца – се повредени . Сите се хоспитализирани и добиваат медицинска помош.
Нападот оштети околу 30 станбени згради и четири автомобили, а предизвика и голем пожар.
Во текот на ноќта руски напади оштетија цивилна инфраструктура и повредија три лица и во Харков.
Првите експлозии биле пријавени околу 2 часот наутро по локално време, а три цивилни повредени биле потврдени до 4 часот наутро, според локалните власти.
Седум дронови „Шахед“ од иранско производство бра лансирани кон градот, од кои три ги погодија нивните цели, рече градоначалникот Ихор Терехов.
Во Херсонската област истата вечер при руски напади загинаа четири лица, а петтмина се повредени.
Руските сили започнаа напади со беспилотни летала и артилерија врз десетици населени места низ регионот, изјави гувернерот Олександр Прокудин на Телеграм .
Дваесет и девет населени места беа погодени, вклучувајќи го и регионалниот главен град, Херсон, кој го дели истото име како и областа.
Во нападите е оштетена критична инфраструктура и станбени области, вклучувајќи четири приватни куќи. Според извештаите, оштетени се и продавница и неколку приватни возила.