Пишува: Борјан Јовановски
Одлуката на унгарскиот премиер Виктор Орбан да склучи нови енергетски договори со Русија се заканува да ја продолжи војната на Москва со Украина, предупреди советникот на претседателот Володимир Зеленски. Олег Устенко, економскиот советник на Зеленски, го повика Брисел да ја казни Будимпешта со сузпензија на финансика помош за да избегне прелевање на пари од ЕУ во Москва.
„Ако сте го виделе видеото каде Русите му ја отсекуваат главата на украинскиот војник – Унгарците го плаќаат ножот“, рече Устенко.
Во вторникот, унгарскиот министер за надворешни работи, Петер Сијарто, отпатува за Москва за да потпише договор со рускиот државен енергетски гигант Гаспром, што ќе и овозможи на Будимпешта да купува повеќе природен гас од земјата доколку има потреба. „Сакале или не, Русија и соработката со Русија ќе останат клучни за енергетската безбедност на Унгарија“, изјави Сијарто. Унгарија, исто така, склучи договори за да продолжи да купува евтина руска нафта.
Устенко сака Брисел да интервенира за да се спречи протокот на кеш во Русија. „Унгарија добива финансиска поддршка од Брисел, така што ова е одлична алатка што може да се искористи веднаш“, рече тој.
Будимпешта направи големи отстапки од санкциите на Брисел против руската нафта, вклучително и обезбедување дозвола за рафинирање на таа поевтина нафта и извоз на рафинирани производи во соседните земји на ЕУ – правејќи профит од грбот на своите сојузници .
Унгарија увезува меѓу 80 и 85 отсто од својот природен гас од Русија, а минатата година 80 отсто од нафтата добиваше од Русија, рече унгарскиот шеф на дипломатијата Сијарто.
Со новиот фокус на ЕУ на спроведување на санкции и сузбивање на оние кои овозможуваат избегнување санкции, Брисел се соочува со парадокс дека ќе бара од земјите кои не се членки на ЕУ да престанат да го прават она што и е дозволено на Унгарија.
Европската комисија блокираше дел од фондовите на ЕУ на Будимпешта, како и нејзините грантови од ЕУ од фондот NextGen поради проблеми со корупцијата, митото и владеењето на правото, но рече дека е подготвена да ги деблокира средствата доколку Унгарија постигне напредок на тој фронт.
Унгарија гради нова нуклеарна централа, финансирана со руски заем и изградена од руската државна компанија Росатом. Сепак проектот беше одложен откако Германија се спротивстави на учеството на Сименс во изградбата на електронската контролна единица на инсталацијата но во игра се вклучи францускиот Framatome кој би можел да се вклучи за да помогне во финализирањето на проектот и да ги испорача деловите што недостасуваат. Орбан, наводно, разговарал за тоа со Макрон за време на неговата посета на Париз минатиот месец.
Но, иако Берлин можеби повеќе нема да може да ја блокира изградбата на електраната, Брисел може: Промените во плановите се толку значајни што Унгарија и Русија мораа повторно да преговараат за нивниот договор во вторник. Портпаролот на Орбан рече дека новиот договор ќе треба да го одобри Комисијата и го предупреди Брисел да не ги „загрозува“ енергетските планови на Унгарија.
Во меѓувреме САД го зголемува притисокот врз Унгарија . Соединетите држави во вчера објавија дека воведуваат санкции врз Меѓународната инвестициска банка со седиште во Унгарија, која има врски со Русија, како и врз три лица кои живеат во Унгарија.
Оваа банка е контроверзна институција лоцирана во Будимпешта со врски со руската држава, за која западните власти стравуваат дека може да се користи за руски разузнавачки операции во Европа.