Предлог-законот “Стоп Сорос” на унгарската Влада стаса во Парламентот на гласање. Овој закон е клучен дел од анти-имиграциската кампања на премиерот Виктор Орбан и неговата борба против американскиот милијардер Џорџ Сорос.
Владата вели дека нацрт-законот, со кој се воведува данок од 25 отсто на странски донации за НВО кои ја поддржуваат миграцијата во Унгарија.
Предлог-законот вели дека НВО кои “спонзорираат, организираат или поддржуваат влез или престој на државјани на трета земја на унгарска територија преку безбедна трета земја … се квалификуваат како организации што поддржуваат миграција”.
Таквата активност – вклучувајќи кампања, застапување, регрутирање на волонтери, печатење информативни брошури – ќе мора да биде одобрена од министерот за внатрешни работи и кој би можел да не ја дадае таа дозвола ако заклучи дека тоа е “ризик за националната безбедност”.
Ако некоја НВО продолжи со таква активност, обвинителството би може да го одземе даночниот број на НВО, да наметне високи парични казни па дури и да ја забрани.
За Сорос оваа кампањата против него е полна со лаги со цел да создаде лажен надворешен непријател. Некои провладини медиуми шпекулираат дека на Сорос може да му забрани влез во Унгарија.
За Унгарскиот Хелсиншки комитет, невладина организација која се бори за човековите права, вклучувајќи ги барателите на азил и затворениците, законот е неприфатлив и има политички цели.
“Негова цел е да се стигматизираат одредени граѓански организации што на владата не и се допаѓаат … и да ги оддалечи од општеството и на крајот да ја направат нивната операција невозможна”, се вели во соопштението.
Овие постапки на Орбан вклучија аларм во ЕУ и САД. Европската комисија минатата година ја тужеше Будимпешта во Судот на правдата на ЕУ поради законот за невладини организации и законот за високо образование чија цел беше да се оневозможи работата на Централноевропскиот универзитет во Будимпешта, основан од Сорос. Според ЕУ ваквата политика не с+е во согласност со стандардите на ЕУ за демократијата и владеењето на правото.
Во Унгарија се одржуваат парламентарни избори на 8 април а анкетите покажуваат дека Орбан би можел да добие и трет мандат на чело на државата.