Ужива доверба во Париз: Тухел останува во ПСЖ и за наредната сезона

Томас Тухел ужива полна доверба во Париз каде ќе остане до 2021 година. Потврда за тоа е новиот договор што германскиот менаџер го потпиша со раководството на ПСЖ според кој ќе остане на клупата на „светците“ и во наредните две сезони.

Богатите арапски газди на клубот од „Паркот на принцевите“ решија да ја продолжат соработката со Тухел кој пристигна во клубот лани и ја освои шампионската титула во француската Лига 1.

Со ова се демантирани шпекулациите дека елиминацијата на ПСЖ во осминафиналето во Лигата на шампиони ќе значи разделба со Германецот по завршување на сезоната. Медиумите лицитираа со тренерски стручњаци како негови потенцијални наследници, но дилемите за кормилото на францускиот првак се затворени, барем до наредното лето.