Горан Пандев го постигна петтиот гол во Серија А во оваа сезона. Но, неговата реализација од 45. минута не беше доволна за Џенова да излезе од опасната зона на табелата. Рома славеше на „Луиџи Ферарис“ со 3:1 и ги остави домаќините на претпоследното место со само 14 бода, два повеќе од фенерџијата СПАЛ и еден помалку од Бреша на 18. место. Стрелци за „волчицата“ беа Ченгиз Ундер во 6. минута, Бираско (автогол во 44. минута) и Един Џеко во 74. минута.
Капитенот на македонската фудбалска репрезентација беше стартер за Џенова и ги одигра сите 90 минути. Покрај денешниот погодок, Пандев во оваа сезона се впишуваше во листата на стрелци и против Сасуоло (2:1), против Лече (2:2), против Удинезе (1:3) и против Бреша (3:1).
Серија А, 20 коло
Јувентус – Парма 2:1
Џенова – Рома 1:3
Лече – Интер 1:1
Бреша – Калјари 2:2
Болоња – Верона 1:1
Милан – Удинезе 3:2
Наполи – Фиорентина 0:2
Сасуоло – Торино 2:1
Лацио – Сампдорија 5:1
Аталанта – СПАЛ (понеделник, 20.45 ч.)
Табела: Јувентус 51, Интер 47, Лацио 45 (-1), Рома 38, Аталанта 35 (-1), Калјари 30, Парма 28, Милан 28, Торино 27, Верона 26 (-1), Наполи 24, Болоња 24, Фиорентина 24, Удинезе 24, Сасуоло 22, Сампдорија 19, Лече 16, Бреша 15, Џенова 14, СПАЛ 12 (-1).