Published: Saturday, December 22, 2018 21:44
Секој граѓанин на Република Македонија што сака да биде претседателски кандидат на ВМРО ДПМНЕ ќе може да аплицира на оглас што партијата ќе објави најдоцна до 11 јануари. Вака е решено на денешниот состанок на Извршниот комитет (ИК).
Огласот ќе биде отворен десетина дена по што ќе следува констатирање на листата и образложување на пријавените низ двонеделни активности. Изборната конвенција во партијата е предвидена за 16 февруари кога ќе биде позната личноста со која ВМРО ДПМНЕ ќе влезе во претседателската трка.
По денешниот состанок на ИК, лидерот на партијата, Христијан Мицкоски изрази голема самодоверба и очекување за сериозна победа на изборите за претседател на Македонија како најава и победнички вовед за наредните парламентарни избори.