Претседателот Александар Вучиќ во обраќањето до јавноста во врска со инцидентот во Зубин Поток и актуелната ситуација на Косово изјави дека вчера се случил обид за голем хибриден напад врз Србија во кој се обвинети Белград и Србија дека стојат зад експлозијата кај Зубина Поток, иако Белград и Србија немаат никаква врска со тие настани.
Како сериозна држава не се занимававме со обвинувањата, нема да кажам дека нападот е директно нарачан од Курти, истрагата ќе покаже, имаме одредени сомнежи.
Претседателот на Србија наведе дека, прво, Белград немал интерес да предизвика било каква штета на каналот Ибар-Лепенец, и дека доволна била само административна одлука за да се пренасочи течението на реката Ибар со што би се оневозможило водоснабдување на езерото Газиводе.
Една од причините за експлозијата, според Вучиќ, е запирањето на европскиот пат на Србија бидејќи во среда ќе се донесе одлука за отворање на Кластерот 3 во пристапните преговори.
Третата причината, според него, е поврзана и со тоа што на 12. декември се заклучуваат листите за изборите што ќе се одржат во февруари на Косово и Српската листа да се обвини за тероризам и со тоа да бидат дисквалификувани од изборната трка, со цел да се отвори простор за српските партии кои се под контрола на Приштина.
Четвртата причина, според српскиот претседател, е поврзана со „личен изборен инженеринг“, бидејќи Курти секогаш кога ќе му падне рејтингот посегнува по обвинувања против Белград.
Ги поканив американските партнери да ги проверат сателитските снимки. Ние во Белград водиме истрага и собравме информации за некои лица и прашувавме каде биле.