Резултатот на локалните избори не е единствената причина за оставката на македонскиот премиер Зоран Заев, туку дел лежи и во неговото лично разочарување во однос на напорите за добивање на датум за преговори за членство со Европската Унија (ЕУ), е оценка на српскиот претседател, Александар Вучиќ кој ја испрати од Глазгов, градот домаќин на Самитот на Обединетите Нации (ОН) за климатските промени.
Им рекоа ако го потпишат договорот од Преспа, Северна Македонија ќе добие датум за почеток на преговорите со ЕУ. Договорот беше потпишан, но датум не беше испорачан, рече Вучиќ.
Зоран Заев на синоќешната прес-конференција по вториот круг на локалните избори ја презеде одговорноста за постигнатите резултати и од партиската говорница поднесе оставка на позицијата претседател на СДСМ и од функцијата премиер на Владата на Македонија.
Заев ја презеде одговорноста: Поднесувам оставка и како претседател на СДСМ и како премиер