Фудбалерите на Копенхаген ќе продолжат во плеј-офот за Лигата на шампиони (ЛШ), а Вардар се сели во плеј-офот за Лига Европа (ЛЕ). Данскиот првак успеа да ја анулира негативата од еден гол по првата средба во Скопје и со убедливи 4:1 славеше на својот „Паркен“ стадион во реванш мечот од третото квалификациско коло за елитното натпреварување на УЕФА.
По 71 минута се одеше во прилог на вардарци. Копенхаген имаше 2:1, но остана и со играч помалку на теренот по исклучувањето на Грегуш (втор жолт картон). И кога се чинеше дека работата е завршена и преостанува само мирно привршување на задачата, „црвено-црните“ примија два гола и на крајот мораа да подадат рака на, резултатски, подобриот ривал.
Данците го поништија скопскиот пораз по само две минути игра. Грегуш го совлада Гачевски за еуфорија на трибините на „Паркен“ што ја стивна Бобан Николов со погодокот за израмнување во 19. минута. Седум минути подоцна Копенхаген повторно обезбеди предност, овојпат со автоголот на Тигран Барсегјан за 2:1. Бројките на семафорот останаа непроменети до 75. минута во која Сандандер зголеми на 3:1, а конечните 4:1 ги постави Сотириу во 88. минута од пенал.
Ждрепката за плеј-офот во ЛШ и во ЛЕ е закажана во петок. Македонија, покрај Вардар, би можела да ја има и Шкендија во последното скалило до групите во второто по ранг натпреварување на УЕФА. Тетовци утре попладне го играат реваншот со Тракаи. Мечот на стадионот „Младост“ во Струмица е од 17 часот. Литванците имаа 2:1 од првата средба во Вилнус.
Копенхаген – Вардар 3:1 (2:1)
Стадион: „Паркен“ во Копенхаген. Гледачи: 30.000. Гл. судија: Џон Битон. Асистенти: Грем Стјуарт и Даглас Потер (сите тројца од Шкотска). Ж. картони: Грегуш, Сантандер (Копенхаген), Демири (Вардар). Ц. картон: Грегуш 71′ (Копенхаген). Стрелци: Грегуш 2′, Барсегјан 26′ (автогол), Сантандер 75′, Сотириу 88′ (п) за Копенхаген; Николов 19′ за Вардар.
Копенхаген (формација: 4-4-2): Олсен – Бенгтсон, Јохансон, Лифтнер, Томсен – Тутух (Аманква 82′), Квист, Грегуш, Вербич – Сантандер (Матиќ 78′), Павловиќ (Сотириу 83′). Тренер: Стале Солбакен.
Вардар (формација: 4-2-3-1): Гачевски – Демири, Новак, Грнчаров, Хамбарѕумјан (Блажевски 76′) – Спировски (Џигаури 82′), Николов – Којашевиќ (Брдаровски 46′), Барсегјан, Фелипе – Балотели. Тренер: Гоце Седлоски.
Лига на шампиони/квалификации/3 коло/реванш мечеви
АПОЕЛ – Виторул 1:0/по продолженија 4:0 (0:1)
БАТЕ Борисов – Славија Прага 2:1 (0:1)
ЦСКА Москва – АЕК 1:0 (2:0)
Истанбул Басакшехир – Бриж 2:0 (3:3)
Копенхаген – Вардар 4:1 (0:1)
Викторија Плзен – ФЦСБ 1:4 (2:2)
Јанг Бојс – Динамо Киев 2:0 (1:3)
Хафнарфјордур – Марибор 0:1 (0:1)
Лудогорец – Хапоел Бер Шева 3:1 (0:2)
Ајакс – Ница 2:2 (1:1)
Легија Варшава – Астана 1:0 (1:3)
Олимпијакос – Партизан 2:2 (3:1)
Риека – Салцбург 0:0 (1:1)
Розенборг – Селтик 0:1 (0:0)
Шериф Тираспол – Карабаг 1:2 (0:0)
Во заграда се резултати од првите средби