„Во услови кога се замрзнати кредитите на три месеци, во услови кога целосно се замрзнати извршувањата, логично е, солидарно е, сите да го понесеме овој товар. Зошто? – Богатите биле научени да живеат побогато, па сега наеднаш ќе им стане тешко? – Не, туку тие во оваа ситуација ќе отстапат најмногу од својот приход. Се претпоставува дека овие службеници со повисоки примања имаат акумулација во банка или заштеда дома, затоа што низ годините наназад секогаш земале повисоки плати. Еве на пример, ќе илустрирам со премиерската плата, која во ситуацијава ќе се намали за повеќе од 70 илјади денари. Ако мериме според просечната плата, која во декември била околу 25 илјади денари, тоа значи дека просечно кратиме по 10 илјади денари на секој административец“, појасни Заев.
„Да го земеме пример претпријатието „Македонски шуми“. Парите што ќе се скратат од вработените таму, се пари кои нема да одат во Владата, туку ќе останат во самото претпријатие, за претпријатието да има финансиска кондиција да ја преброди економската ситуација“, истакна Заев.
„Економската криза ќе има далеку поголеми последици од здравствената и затоа е подобро да се преземат превентивни мерки во духот на солидарноста“, смета Заев.
„Најлошо сценарио е да имаме 30-40 проценти наплата за приходи во буџетот, односно ќе недостигаат 60 проценти кои нема да можат да се реализираат. Оттука и предлогот за кратење по принципот на солидарност односно сведување на платите во администрацијата на минимална плата од 14.500 денари. Ако недостатокот е околу 2 милијарди и 200 милиони евра, тоа се некои 60 проценти , добивме усна потврда за 600 милиони од ЕУ , што значи недостигаат уште една милијарда и 600 милиони“, истакна Заев во емисијата „360 степени“ на телевизија „Алсат“.
Најоптимистичко сценарио е изборите да се одржат во јуни, доколку се земе во предвид прогнозата дека пикот би бил за еден месец, а периодот на закрепнување уште еден месец, така што во јуни би можело да се одржат избори, но сосема со друга форма на кампања, без големи собири и митинзи, истакна Заев во поглед на можноста за нов датум за избори кои првично беа закажани за 12 април, па одложени поради пандемијата на коронавирус.
Заев посочи дека секое лицитирање со датуми би било погрешно и дека е можно било кој месец од јуни до последниот датум 11 декември, но, според него, тоа сега не може да се предвиди со сигурност.
„Нема поважно од здравјето на луѓето, како и санацијата на економските последици, затоа Тој притоа посочи дека израмнување на платата на сите е на линија на солидарноста на граѓаните, односно оние што во последните години имале повисоки примања, логично е повеќе да помогнат на државатадатумот за избори ќе биде одлучен по завршувањето на кризата“, рече Заев.
Претседателот на СДСМ потсети на успехот на неговата партија која, како што рече, за две и пол години се исполнија две стратешки цели на државата, членството во НАТО и добивање на позитивна одлука за почеток на преговори со ЕУ.
„Добивањето на одлука за почеток за преговори со ЕУ по 15 години чекање е сериозен успех бидејќи, конечно, го завршуваме тој период. Одлуката е многу важна, а добивме и максимум, односно таа е безусловна и самата содржи опис за подготвување на целиот процес до оддржувањето на меѓувладината конференција’, истакна Заев.
Но, според него, најважно во моментот е да справување со кризата со коронавирусот, а за тоа време Република Северна Македонија не треба да бега од своите обврски.