Не се плашиме од независни листи, изјави денеска премиерот Зоран Заев, одговарајќи на новинарски прашања поврзани со предложените измени на Изборниот законик. Измените се во собраниска процедура, а моментално предвидуваат независните кандидати за да можат да учествуваат на избори треба да соберат најмалку 2% потписи од гласачите запишани во општинските избирачки списоци. Заев најавува дека овие измени ќе бидат тргнати од законското решение.

– Изборниот законик ќе биде согласно укажувањата кои стигнаа и од експертската јавност, но и од помалку бројните партии заради тоа што тие оценија дека не е коректно поголемите партии да го определуваат прагот за неопходен број собрани потписи за поднесување на независните листи. Видов дека има амбиент и ќе биде намален прагот од два отсто, веројатно на еден отсто или можеби и укинат, рече Заев.

Претходно, промени во текстот на Изборниот законик најави министерот за правда Бојан Маричиќ, кој очекува за половина месец да биде изгласано законското решение.

Пендаровски: Потребен е помал праг за независните кандидати