„Дајте шанса за државата да оди напред наместо да се враќа назад. Со чист образ го барам тоа од вас“, рече лидерот на СДСМ, Зоран Заев на вечерашната граѓанска трибина во Битола во пресрет на вториот круг на локалните избори закажан за 31 октомври.

Од вас барам да се сплотиме околу оваа наша заедничка цел. Сакам да испратам порака за заедничко делување во име на направеното досега. Во спротивно, постои ризик за неизвеснот, криза и враќање назад на земјата, порача Заев пред битолчани.

Претседателот на СДСМ пред присутните граѓани истакна дека „секоја општина е важна за партијата која особено да ја задржи Општина Битола“. Заев истакна дека СДСМ учи, се менува и го корегира сопствените грешки во функција на напредок на државата и подобар живот на граѓаните.

Пред битолчани вечерва се обрати и кандидатот за градоначалник на СДСМ, Христо Кондовски.

Кондовски вети борба за секој жител на Битола да ужива во удобностите на 21 век, преку изградба на современа инфраструктура, максимално искористување на сиот расположлив капацитет со кој располага општината што, пак, треба да биде мотив за одвраќање на младите од намерата за напуштање на своите родни огништа.

„Наш приоритет е локалниот економски развој во Битола. Сечиј труд и маката треба да се вреднува, а локалната самоуправа е за создавање на клима и можности. Како приватник сум го докажал тоа и искуствата што ги имам, можам да ги пресликам во општината“, нагласи Кондовски.

С.Ѓ.Д.