Велика Британија експресно доби нов шеф на дипломатијата. На местото на Борис Џонсон, кој поднесе оставка на функцијата во знак на протест против владините планови за поблиски трговски односи со Европската унија (ЕУ), е назначен Џереми Хант кој од 2012 година беше министер за здравство.
„Кралицата со задоволство го одобри именувањето на пратеникот Џереми Хант за државен секретар за надворешни работи и Комонвелт“, стои во соопштението на британската премиерка Тереза Меј што го пренесува агенцијата „Ројтерс“.
Покрај Борис Џонсон, оставки поднесоа уште двајца министри во кабинетот на Меј, меѓу нив и министерот за Брегзит, Дејвид Дејвис, потоа неговиот заменик Стив Бејкер во Одделението за излез од ЕУ и Сјуел Браверман, државна секретарка за Брегзит. Мотивите и за нивните одлуки се идентични – протест против мерките по излезот од Европската унија што беа усвоени во петокот. Нов министер за Брегзит е Доминик Раб.