Во Кривичниот суд во Скопје почна судењето за нападот врз пратеничката Радмила Шекеринска, за време на настаните во Собранието од 27 април. По крвавиот четврток насилникот и министерката за одбрана, денеска се соочија во судница, каде обвинетиот одговара за сторено кривично дело – насилство. За ова кривично дело предвидена е казна затвор во траење од 3 до 10 години.
Пратеничките Шеќеринска и Касапи – моментите меѓу животот и смртта
Обвинетиот се товари дека за време на настаните во Законодавниот дом повлекол за коса пратеничка во македонското Собрание, а оштетената во настанот се здобила со тешка телесна повреда, што посочува на нападот врз пратеничката Радмила Шеќеринска за време на крвавиот четврток.
Напаѓачот претходно беше на распит во јавното обвинителство, а за дел од медиумите изјави дека не ја нападнал Шекеринска, туку сакал да помогне. Тогаш Радмила Шекеринска се здоби со тешки телесни повреди.
Ова е еден од првите предмети кои се процесираат за нападот, откако судот донесе пресуда за деветмина кои поминаа со условна казна.