Протоколот за членство во НАТО ќе се ратификува во македонското Собрание до 12 февруари, откако шпанскиот премиер Педро Санчез положи заклетва со што се отвори пат за ратификација на Протоколот и во Сенатот за земјава да стане 30-та членка на Алијансата.
„Во овој момент нема потреба за брзање со предвремена ратификација. Владиниот предлог е во собраниска процедура и нема индиции дека е неопходно предвреме да се постапува“, нагласи Џафери.
Сите парламентарни партии се подготвени да дадат зелено светло за ратификацијата на Протоколот. Артан Груби од ДУИ вели дека Протоколот ќе биде ратификуван навреме и во наредните недели Македонија и официјално ќе се придружи на НАТО.
„Владата го утврди текстот за ратификација на Вашингтонскиот договор и тој е пратен во Собрание. Тоа значи дека и ние сме спремни за ратификација. Јас сум 100 проценти сигурен дека ратификацијата на Вашингтонскиот договор и нашето полноправно членство ќе го заврши Собранието во овој формат, пред да се распушти, пред да се одржат изборите и ние ќе станеме полноправна членка и формално на НАТО пред да се одржат парламентарните избори“, рече Талески во гостувањето на „Утрински брифинг“.
„Протоколот за прием на Северна Македонија во НАТО беше потпишан во февруари 2019 година, по што почна процесот на негова ратификација во националните парламенти на земјите членки. Северна Македонија речиси сигурно ќе стана 30-та членка на НАТО на почетокот на 2020 година, откако во текот на 2019 пристапниот протокол го ратификуваа 28 од 29 земји членки и остана уште само Шпанија. Одлагањето на ратификацијата во Шпанија е последица на политичката криза во земјата, а не на забелешки за членството на Северна Македонија, па приемот на државата во НАТО се очекува наскоро“, се истакнува во анализата на „Јуропеан Вестерн Балканс“.
Шпанскиот социјалистички лидер, Педро Санчез, положи заклетва како премиер, откако Парламентот, во вторникот вечерта, му даде поддршка за формирање на коалициска Влада со што се стави крај на, речиси, едногодишната политичка криза во четвртата по големина економија во еврозоната.