Денешните разговори меѓу Украина и Русија во Истанбул доаѓаат само неколку дена откако републиканскиот сенатор Линдзи Греам објави нов закон за санкции кој би можел да има сериозни последици за Москва и нејзините трговски партнери.
Греам, влијателен сенатор од Јужна Каролина, рече дека Сенатот има намера да го започне процесот на донесување закони следната недела, а кои би вовеле царина од 500% за стоки од земји кои продолжуваат да купуваат руски гас, нафта, ураниум и други производи.
Санкциите би се прошириле на меѓународни посредници кои ги заобиколуваат постојните ограничувања.
Наречени се „санкции што кршат коски“, а мерките се дизајнирани, според Греам, да извршат притисок врз Кремљ да седне на преговарачка маса. Прво треба да ги усвои Сенатот и Претставничкиот дом, па потоа и Трамп да ги потпише.Трамп неодамна покажа фрустрација од однесувањето на Владимир Путин во Украина, што аналитичарите го толкуваат како можен сигнал дека тој би можел да поддржи построги мерки.