Рома се потврди ако единствена екипа во моментот во италијанското фудбалско првенство што може да го следи Јувентус во борба за титулата. „Волчицата“ го победи Интер со 3:1 во дербито на 26. коло во Серија А и остана на минус седум од лидерот Јувентус на врвот на табелата. Два ефектни гола постигна Белгиецот Раџа Најнголан и еден Пероти за покорување на „Џузепе Меаца“, Икарди го постигна единствениот за „нероазурите“.
Трите бода беа императив за актерите на дербито. За римјаните да останат конкурентни за Скудетото, за „сино-црните“ од Милано да се најдат во зоната за Лига Европа, па дури да фатат приклучок и за Лигата на шампиони за наредната сезона. Како поумешни и поупорни притоа се претставиа играчите на Лучано Спалети кои останаа најблиску до „старата дама“ и воедно се одлепија од Наполи и Аталанта на третото, односно, четвртото место.
Рома е пред ново дерби во калчолигата. Во сабота на „Олимпико“ ќе гостува Наполи додека Јувентус ќе патува на „Фриули“ на судир со Удинезе.
Серија А, 26 коло
Интер – Рома 1:3
Сасуоло – Милан 0:1
Лацио – Удинезе 1:0
Џенова – Болоња 1:1
Кротоне – Калјари 1:2
Киево – Пескара 2:0
Палермо – Сампдорија 1:1
Наполи – Аталанта 0:2
Јувентус – Емполи 2:0
Фиорентина – Торино (понеделник, 20.45 ч.)
Табела: Јувентус 66, Рома 59, Наполи 54, Аталанта 51, Лацио 50, Интер 48, Милан 47, Фиорентина 40 (-1), Торино 35 (-1), Сампдорија 35, Киево 35, Кајлари 31, Сасуоло 30, Удинезе 29, Болоња 28, Џенова 26, Емполи 22, Палермо 15, Кротоне 13, Пескара 12.