Каталонскиот претседател Карлес Пучдемон се соочува со зголемен притисок да ги отфрли плановите за отцепување од Шпанија, пред денешното клучно обраќање во регионалниот парламент.
Меѓу шпекулациите се и тие дека тој може да објави еднострано прогласување независност по референдумот.
Никогаш порано светот толку внимателно не го следел регионалниот парламент на Каталонија. Вечерва, со голем број полицајци и демонстранти надвор, лидерот на регионалната влада Пучдемон треба да им се обрати на пратениците од Каталонија.Тој планира да ги претстави резултатите од референдумумот за независност од 1 октовмри, кој Мадрид го прогласи за незаконски.
Пучдемон досега во неколку наврати изјави дека ќе прогласи независност и покрај жестокото противење на Шпанија и критиките од европските влади.
Парламентот на Каталонија требаше да се состане вчера со очекување дека ќе ја поддржи декларацијата за независност, врз основа на мнозинството гласови на 1-ви октомври.
Сепак, седницата беше блокирана од страна на шпанскиот Уставен суд, кој исто така се обиде да го запре самиот референдум.
Сега, дали Пучдемон ќе ја оствари својата „закана“? Или тој ќе објави посуптилна стратегија, надевајќи се се уште на соодветен, признат, референдум еден ден?
Франција и Германија со поддршка за обединета Шпанија
Портпаролот на германската канцеларка Ангела Меркел во понеделникот рече дека “ја потврдуваат поддршката за единството на Шпанија” во телефонски разговор со премиерот Мариано Рахој.
Француската влада исто така соопшти дека доколку се прогласи независност “тоа нема да биде признаено”.
Европската унија јасно стави до знаење дека ако Каталонија се оддели од Шпанија, регионот ќе престане да биде дел од ЕУ.
Градоначалникот на Барселона го повика Пучдемонт и шпанскиот премиер Маријано Рахој да ја “смират” кризата.
Пред говорот на Пучдемонт во парламентот на Каталонија вечерва, градоначалникот Ада Колау го повика да не прогласува независност, а воено го повика премиерот Рахој да ја отфрли директната контрола од Мадрид.
-Ги повикувам да не преземаат никаква одлука што би можела да ја уништи можноста за каков било дијалог и посредништво, рече Колау. Тоа е најхрабриот чин што можат да го сторат сега”.
И лидерот на шпанската социјалистичка опозициска партија, Педро Санчез исто така се противи на независноста. Тој им изјави на новинарите во Барселона дека ќе ја поддржи акцијата од владата во Мадрид “во пресрет на секој обид за кршење на социјалната хармонија”, доколку дојде до унилатерално прогласување на независност.
Шпанската влада се закани дека ќе ја суспендира автономијата на североисточниот регион.
Економскиот притисок, исто така, се зголемува и врз каталонските сепаратистички лидери, откако повеќе поголеми компании ги селат главните канцеларии надвор од регионот.
Издавачката компанија Групо Планета изјави дека ќе се пресели од Барселона во Мадрид доколку биде проглаена независност.
И двете најголеми банки во Шпанија веќе објавија дека ги селат канцеларии надвор од регионот.
Каталонија е еден од најбогатите региони во Шпанија, со што е четвртина од извозот на земјата.
Што ќе каже Пучдемон?
Има голем број шпекулации за тоа што може да каже Пучдемон во обраќањето во парламентот.
Тој може да побара од парламентот да прогласи независност врз основа на законот за референдум што го усвои минатиот месец, што пак може да ја натера шпанската влада да ја укине автономијата, постапувајќи според член 155 од уставот.
Би Би Си повикувајќи се на свои извори, објави дека без оглед на тоа што ќе каже Пучдемон, неговата изјава ќе предизвика 48-часовен период во кој пратениците треба да прогласат независност, според каталонскиот закон.
Но, пратеник од партијата на Пучдемон изјави дека сегашниот план е да тоа да биде “симболична изјава” наместо прогласување независност, која б траела кратко.