Градоначалникот на Њујорк, Бил де Бласио најави стимулација од 100 долари за жителите кои ќе примат вакцина против ковид-19 до крајот на годината. Тој вчера истакна дека Њујорк повеќе не може да се соочи со затворање на училишта и бизниси, како што беше случај за време на првиот бран на ковид-19, пренесува британскиот весник „Гардијан“.
Сепак, сè уште не е нејасно дали ќе продолжи организацијата на планираната градска новогодишна прослава на Тајмс сквер. Настанот лани беше мал и се одржа со запазување на мерката за физичка дистанца, но Де Бласио се надева дека оваа година ќе се одржи во целосно светло.
Наследникот на Де Бласио, Ерик Адамс, најави дека ќе ја одложи церемонијата на инаугурација што е закажана за 1 јануари, во затворениот театар „Кингс“ во Бруклин.