Published: Monday, November 25, 2024 16:14
ЈП Лајка испрати соопштенија со кое апелира до граѓаните да не ги напуштаат малите кучиња пред нивната врата, потсетувајќи дека според според законот за заштита и благосостојба на животните, член 26, напуштањето домашни миленици е забрането.
„Воедно сакаме да предочиме дека стационарите каде транзитираат голем број на кучиња се последното место каде треба да оставите мали кучиња. Според програмата за работа ЈП Лајка не смее да ги прифаќа кучињата на возраст под 7 месеци, ниту има можност за нивно трајно вдомување или лекување“, апелираат тие.
„Со оставање на мали кучиња пред ЈП Лајка, ги осудувате на контакт со вируси на кои нивниот имунитет не може соодветно да се спротистави, имаат нула шанса за преживување и подложни се на болно умирање. Немојте, со намера да направите добро дело, да направите непоправлива штета“, велат од ЈП Лајка.
Тие посочуваат на стерилизација на домашните миленици и изветуваат дека просторот пред вратите на ЈП Лајка ќе биде под видео надзор, а секое подметнување на куче ќе биде пријавено кај надлежните органи.