Манчестер јунајтед убедлив и во петтиот меч без Пол Погба. „Црвените ѓаволи“ на Жозе Мурињо без премногу проблеми го совлада Кристал Палас со 4:0 и барем на неколку часа го презедоа врвот на табелата во англиската Премиерлига. Двоен стрелец за составот од „Олд трафорд“ беше Маруан Фелаини во 35 минута и во 49., серијата погодоци против фенерџијата ја отвори Хуан Мата во третата минута, ја затвори Ромелу Лукаку во 86. Од можни 21 бод, Јунајтед досега освои 19 со импресивна гол-разлика 21:2. За разлика од нив, Кристал палас го забележа и седмиот пораз во исто толку настапи и сè уште е без реализација во новата сезона (0:17).

https://www.youtube.com/watch?v=4YlhDnvznFI

Ист ефект како Фелаини и на Хари Кејн. Тотенхем со 4:0 славеше на гостувањето кај Хадерсфилд, а половина од головите ги потпиша напаѓачот на спарси во деветтата и во 23. минута. Со нив Кејн стигна до, вкупно, 84 гола во Премирлигата колку што постигна и Кристијано Роналдо во дресот на Манчестер јунајтед за што на Англичанецот му беа поребни 123 натпревари додека на Португалецот 196. По еден гол во четвртата ппобеда на Тотенхем во шампионатот вградија Бен Дејвис во 16 минута и Муса Сисоко во втората минута од судиското продолжение.

https://www.youtube.com/watch?v=k5EzmlTp9IQ

Премиерлига, 7 коло

Манчестер јунајтед – Кристал Палас 4:0

Вест Хем – Свонси 1:0

ВБА – Вотфорд 2:2

Стоук – Саутемптон 2:1

Борнмут – Лестер 0:0

Хадерсфилд – Тотенхем 0:4

Челзи – Манчестер сити (во тек)

Недела

Арсенал – Брајтон (13 ч.)

Евертон – Барнли (15,15 ч.)

Њукасл – Ливерпул (17,30 ч.)