Јужнокорејските власти заплениле уште еден брод, втор по ред, под сомнение дека и покрај санкциите од ОН, превезувал нафта во Северна Кореја.
Бродот бил обележан со знамето на Панама.
Пред само неколку денови, Јужна Кореја заплени брод регистриран во Хонг Конг, кој пренесувал 600 тони рафинирана нафта кон Северна Кореја, додека земјата на Ким Јонг Ун е под сакции од Советот за безбедност на Обединетите Нации поради нуклеарната програма.
Според пишувањата на јужнокорејските медиуми, во панамскиот брод екипажот бил од Кина и од Мјанмар, а бродот имал капацитет од 5 илјади тони.
Минатата недела, претседателот на САД, Доналд Трамп ја обвини Кина дека го помага нелегалниот трансфер и Пекинг бил „фатен на лице место“.
Трамп беше дециден дека не може никој да се надева на пријателско решение за тензијата која Северна Кореја ја предизвикува, доколку и биде дозволено да увезува нафта.