Кина им даде наредба на сите бизниси во кои сопственици се Севернокорејци а кои се на територија на Кина, да ги прекинат своите дејствувања, во согласност со санкциите од Обединетите нации, поради нуклеарната програма која е закана за целиот свет.
Кина е најголемиот трговски партнер на Северна Кореја.
Севернокорејските компании во Кина најмногу раководат со ресторани, а многу работници од Северна Кореја работат во кинески компании.
Министерот за надворешни работи на Кина неодамна побара дијалог за да се реши ситуацијата помеѓу САД и Северна Кореја.
„Проблемот со нуклеарната програма е проблем за стабилноста и мирот на регионот“, порача кинеското МНР кое повика искреност од двете страни за решавање на влошените односи.
Кина, која е една од петте постојани членки на Советот за безбедност, не го искористи правото на вето врз санкциите и ги поддржа, но е против нанесување штета на севернокорејскиот народ.
Со последниот указ на кинеската влада, исто така се забранува испорачувањето на природен гас во Северна Кореја и увоз на текстил од Северот, кој што е еден од главните придонесувачи на приходот во Северна Кореја.
Санкциите ќе бидат на сила се до 1.јануари додека повторно не се одлучи во Обединетите нации, дали ќе се преземат дополнителни мерки.
Дополнително, во донесените мерки, спаѓа и забрана на увоз на челик, јаглен и морска храна.