Министерот за надворешни работи на Русија, Сергеј Лавров истакна дека шефот за надворешна политика и безбедност на ЕУ, Жосеп Борел му рекол дека „Русија треба да излезе од Африка“.
Лавров притоа истакна дека би било подобро да се координираат постапките меѓу ЕУ и Руската Федерација во смисла на борба против тероризмот, не само во Мали, туку и во целиот регион на Сахара и Сахела.
Како прво, да кажете „јас стигнав прв, затоа вие излезете“, пред сè е навреда за Владата во Бамакo која ги повика меѓународните партнери. Како второ, тоа не е начин да се разговара со било кого, рече Лавров пред новинарите.
На почетокот на оваа недела, Лавров и Борел се состанаа на маргините на Генералното Собрание на Обединетите Нации (ОН) за да разговараат за ситуацијата во Авганистан, во Украина и во Мали.
Тие разговараа и за односите меѓу ЕУ и Русија, како и за прашањата за нуклеарниот договор за Иран и за решенија за Блискиот исток, пренесува „Спутник“.