Борусија Дортмунд е петтата екипа што обезбеди осминафиналето во Лигата на шампиони. „Милионерите“ во четвртото коло го совладаа Спортинг Лисабон и се најавија во ждрепката за нокаут фазата на 12 декември во Нион. Стрелец на единствениот гол водуелот со Португалците беше Адријан Рамос во 12 минута.

Реал Мадрид се спасуваше од комплетна бламажа во Варшава во дуелот со Легија. „Кралевите“ одиграа 3:3, а да останат непоразени се погрижи Матео Ковачиќ во 85 минута. Составот на Зидан имаше комотни 0:2 и дозволи на Полјаците да се вратат во игра, па дури и за сензационален триумф.

Бејл со волеј постигна гол уште во воведните 60 секунди, Бензема зголеми во 35 минута по што наместо рутинско приведување на средбата кон крај, следуваше шокантен пресврт. Офое до одморот намали на 1:2, Радовиќ во 58 минута израмни на 2:2, а Мулин во 83 целосно го сврте резултатот во корист на домашните. Нивната радост, сепак, траеше кратко. Ја наруши хрватскиот репрезентативец со погодокот по асистенција на Карвахал.

falkao

Монако ја совлада ЦСКА Москва со 3:0 и се потврди како лидер во групата Е. Натпреварот на „Луј Втори“ беше решен во првиот дел во кој беа постигнати  и сите три гола. Еднаш погоди Жермен и двапати Фалкао, кој стигна до бројката од 42 гола во 46 настапи во натпреварувањата на УЕФА за втора победа на тимот од кнежевството во ЛШ.

Баер Леверкузен го замолкна „Вембли“. Бундеслигашот славеше над Тотенхем со 1:0 соголот на Кеввин Кампл и ги потисна „спарси“ на третото место во групата.

Најнеефикасно беше во групата Г во која двата меча донесоа само еден гол. Го видоа на „Драгао“ каде Порто го совлада Бриж со 1:0. Мрежите мируваа во Данска меѓу Копенхаген и Лестер.

Победник немаше ниту во Торино во дербито на групата Х. Јувентус и Олимпик Лион одиграа 1:1. Италијанскиот првак поведе со гол од пенал на Игуаин, израмни Толисо и спречи задоволство на Буфон да остане несовладан во 100 настап во Лигата на шампиони. Севилја во истата конкуренција го декласира Динамо Загреб со 4:0. „Модрите“ беа во негатива од еден гол по првите 45 минути во кои останаа и без исклучениот Стојанович. Тоа го искористија домашните и со уште три гола во продолжението забележаа убедлива победа за преземање на лидерската позиција на табелата од „старата дама“.

Група Е

Монако – ЦСКА Москва 3:0

Тотенхем – Баер Леверкузен 0:1

Табела: Монако 8, Баер Леверузен 6, Тотенхем 4, ЦСКА Москва 2.

Група Ф

Легија Варшава – Реал Мадрид 3:3

Борусија Дортмунд – Спортинг Лисабон 1:0

Табела: Борусија Дортмунд 10, Реал Мадрид 8, Спортинг Лисабон 3, Легија Варшава 1.

Група Г

Копехнаген  – Лестер 0:0

Порто – Бриж 1:0

Табела: Лестер 10, Порто 7, Копенхаген 5, Бриж 0.

Група Х

Севилја – Динамо Загреб 4:0

Јувентус – Олимпик Лион 1:1

Табела: Севилја 10, Јувентус 8, Олимпик Лион 4, Динамо Загреб 0.