По синоќешната централната прослава на празникот 8 септември пред Владата, денес продолжува одбележувањето на 26-годишнината од прогласувањето на независноста.

Па така делегација предводена од претседателот на Владата Зоран Заев на гробиштата во Бутел утринава положи цвеќе на гробовите на поранешните претседатели на државата Киро Глигоров и Борис Трајковски, а делегација предводена од министерката за труд и социјална политика Мила Царовска положи цвеќе пред споменикот “Ослободители на Скопје”.

Министерството за одбрана во Крушево организира искачување на Бушева Планина под наслов “Заедно кон врвот”.

Македонија денес слави 26 години од успешно спроведениот референдум на кој 95 отсто од македонските граѓани се изјаснија за самостојна и суверена држава. Во 1991 година беше одржан референдум со прашањето “Дали сте за самостојна Македонија со право да стапи во иден сојуз на суверени држави на Југославија”.

Синоќешниот концерт пред Владата се одржа под мотото “Македонија слободна, слободно живее”.