Мигрантите ги нарекол убијци, крадци, силувачи: Француски претседателски кандидат казнет со 10.000 евра

Францускиот претседателски кандидат на екстремната десница, Ерик Земур денеска е казнет со 10.000 евра поради поттикнување на расна омраза, бидејќи младите мигранти ги нарекол убијци, крадци и силувачи.

Тужбата се заснова на забелешките кои ги искажал на десничарскиот канал „СиЊуз“ во 2020 година за мигрантите кои пристигнуваат како деца без придружба.

Тие немаат причина да бидат тука. Тие се крадци, тие се убијци, тие се силувачи, тоа е сè што прават, треба да бидат вратени назад, рекол Земур.

Ерик Земур, кој е поранешен политички коментатор, на претседателските избори во април ќе се трка со кандидатката на крајната десница Марин Ле Пен и конзервативната Валери Пекрес против актуелниот претседател на десниот центар Емануел Макрон.