Либиската изборна комисија ја отфрли кандидатурата на Саиф ал Ислам Гадафи, син на поранешниот шеф на државата Моамер ел-Гадафи, за претседателските избори што се закажани на 24 декември.
Саиф ал Ислам Гадафи е баран од Меѓународниот кривичен суд (МКС) за ’злосторства против човештвото. Тој ја поднесе својата кандидатура на 14 ноември и еден е од 25-те одбиени кандидати, се наведува во соопштението на Високата изборна комисија (ХНЕК).
ХНЕЦ образложи дека 25-те кандидатури се одбиени врз основа на повеќе законски одредби, како и дописи од државниот правобранител, началникот на криминалистичката полиција и претседателот на Управата за пасоши и државјанства.
Изненадувајќи ги сите во земјата, додека не се знаеше каде се наоѓа, Сеиф ал Ислам (49) својата кандидатура ја поднесе во Себха, на југот на земјата, иако кон крајот на јули, во интервју за „Њујорк Тајмс“ тој навести можност за враќање во политичкиот живот на Либија.
Претседателските избори на 24 декември треба да ја означат промена во земјата по хаосот и братоубиствените борби што настанаа по падот на режимот на Моамер Гадафи во 2011 година.
ХНЕЦ неделава соопшти дека биле поднесени 98 кандидатури, меѓу кои и од две жени.