Министерството за внатрешни работи денеска информираше дека арачиновецот Е.И.(57) кој вчера беше приведен пред Врхвниот суд, додека се читаше пресудата за „Диво Насеље“ на себе носел петарди кои наликуваат на експлозивна направа.
„По вештачењето констатирано е дека се работи за пиротехнички средства (петарди), а исто така утврдено е, со графолошко вештачење, дека тој е автор на анонимно писмо со заканувачка содржина“, пишува во билетнот на МВР.
Според информации на НОВА ТВ, писмото со заканувачка содржина до судиите било испратено во адвокатската канцеларија на еден од адвокатите на одбраната.
Во канцеларијата, писмото го примиле непосредно пред Е.И. да се појави пред Врховниот суд. Од канцеларијата, настанот веднаш го пријавиле во МВР.
Од министерството најавуваат дека по целосно документирање на случајот, против Е.И. ќе биде поднесена соодветна пријава.
Вчера додека судницата на скопскиот Кривичен суд се чекаше соопштувањето на пресудата за случајот „Диво насеље“ Е.И. се расправаше со полицијата и се обиде да влезе во судот. Тој беше запрен од полициските службеници.