Акцент на економските реформи и стабилизирање на јавните финансии. Ова се препораките на Светската банка за Северна Македонија за забрзување на процесот за интегрирање во Европската Унија (ЕУ), откако е решен деценискиот спор за името со Грција.
Економскиот раст од 0,2 отсто во 2017 година се зголеми на 2,7 отсто лани што се должи на потрошувачката и нето-извозот, додека инвестициите почнаа да се обновуваат, објави банката и додава дека невработеноста паднала на историско ниво додека притисокот за зголемување на платите продолжува.
За оваа година се предвидува дополнителен нагорен тренд на растот на 2,9 отсто, а во 2020 година се очекува да достигне 3,2 отсто како резултат на градежни активности што ќе се очекуваат од инвестициите и од производствениот сектор, вели Светска банка и додава дека се планира зголемување на личната потрошувачка поддржана од повисоки плати, вработување и зголемување на кредитирањето на домаќинствата.
Се очекува дека сиромаштијата ќе бележи да паѓа од 4,8 отсто во 2018 година на 4,5 отсто во 2019 година според трендот утврден во 2009 година. Лани јавниот долг се зголемил на 48,4 отсто во однос на 47,7 отсто во претходната година. Според проекциите за оваа година се очекува да достигне 53,4 отсто и да оди до 54,4 отсто во 2020 година.
„Зајакнувањето на ефикасноста на јавната потрошувачка и проширувањето на даночната основа ќе помогне да се стабилизира јавниот долг и да се обноват фискалните резерви за идни шокови”, рече Светската банка.
Невработеноста во земјата е падната на историски минимум на 20,7 отсто во 2018 година, во споредба со 22,7 отсто во 2017 година што во најголем дел е последица на дел од новите работни места во производството, трговијата на големо и на мало и индустриите што се тесно поврзани со туризмот.
Инфлацијата во Северна Македонија остана со умерени 1,5 отсто во 2018 година меѓутоа се очекува да се искачи на 1,8 отсто оваа година, односно, 1,9 отсто во 2020 година.
Според Светската банка, пониските изгледи за раст во Европа би можеле да влијаат на извозот и на тој начин и на економскиот раст во Северна Македонија. Зголемувањето на севкупните нивоа на продуктивност во економијата останува еден од најважните предизвици за локалните фирми да можат да се натпреваруваат глобално и да ги одржуваат зголемувањето на платите.