Ракометарките на ЖРК Вардар го освоија неосвоивото досега. Славеа над Будуќност во „Морача“ со 31:28 (16:16) во натпревар од групата 1 во продолжението на сезоната во Лигата на шамиони. Ова е прва на македонскиот првак во Подгорица во четвртото гостување. Црногорките лани триумфираа со 31:19, во сезоната 2014/15 со 23:17 и во овој месец со 30:29 во рамки на турнирот во возобновената регионална лига.

Вардарки се прикажаа во одлично светло овојпат против директниот конкурент за првото место во главната групна фаза. Остварија резултат што е голем исчекор за освојување на првото место на табелата и полесен противник во четврт-финалето, единствено нокаут скалило до Фајналфор турнирот во Будимпешта.

Андреа Пенезиќ со осум гола и Андреа Лекиќ со седум беа најпрецизни во тимот на Давид Дејвис. Пет постигна Александра Лакрабер, по три додадоа Јованка Радичевиќ и Камила Херем. Прв стрелец на мечот беше Романката во дресот на Будуќност, Кристина Неагу со 10 погодоци.

Во наредното коло (сабота) ЖРК Вардар е домаќин на француски Мец, Будуќност ќе патува во Русија на мегдан со Астраханочка, а Ференцварош во Будимпешта ќе игра со бундеслигашот Тирингер.

Лига на шампиони

Група 1

Будуќност – ЖРК Вардар

Тирингер – Астраханочка 34:22

Мец – Ференцварош 25:28

Табела: ЖРК Вардар 9, Ференцварош 7, Будуќност 6, Мец 4, Тирингер 4, Астраханочка 0

Идно коло (4 февруари): ЖРК Вардар – Мец, Астраханочка – Будуќност, Ференцварош – Тирингер