Норвешка ја совлада Романија со 23:21 во меч од групата Д на Европското ракометно првенство во Шведска. Израмнетата пресметка во „Хелсингборг арена“ беше решена во второто полувреме по 10:10 на паузата. Одлична вечер имаше Камила Херем за победничата селекцијата. Вардаровото лево крило биеше непогрешливо и во победата на Скандинавките учествуваше со пет гола од пет обиди колку што постигна и Вероника Кристијанесен од девет шута. Најефикасна беше Нора Морк со 9 погодоци, Кристина Неагу беше водечки стрелец кај Романките со 6 гола.
Во вториот натпревар во Д конкуренцијата, Русија со убедливи 32:26 ја порази Хрватска. Андреа Пенезиќ од екипата на Вардар реализира 8 гола што ја направија најзабележителна на теренот, нејзината клупска колешка, Андреа Човиќ погоди двапати. Централни фигури во составот на Евгениј Трефилов беа Викторија Зилинскаите и Владлена Бобровникова кои дадоа по 6 гола.
Данска извојува тесна победа над Црна Гора со 22:21. Фаворитот во групата Ц ги осигура двата бода на крилата на Стине Јоргенсен, стрелец на 9 гола. Милена Раичевиќ со седум погодоци ги предводеше Црногорките за кои Андреа Кликовац го пролседи мелот од клупата. Поранешната вардарка, Итана Грбиќ даде два гола. Чешка, пак, изненадувачи триумфира над Унгарија со 27:22 за комплетираше на првото коло на завршниот турнир.
ЕП 2016 – Шведска
Група Ц (Малме): Данска – Црна Гора 22:21, Унгарија – Чешка 22:27
Група Д (Хелсингборг): Норвешка – Романија 23:21, Русија – Хрватска 32:26
Утре на ЕП 2016 – Шведска
Група А (Стокхолм): Шпанија – Србија (18.30 ч.), Словенија – Шведска (20.45 ч.)
Група Б (Кристијанштад): Полска – Холандија (18.30 ч.), Германија – Франција (20.45 ч.)