Германскиот европратеник од редовите на „Слободните демократи“, Мориц Кернер побара основачите на „Бајонтек“ – Угур Шахин и Озлем Туречи, изумители на анти-ковид ваквината на „Фајзер“, да бидат на една од новодизајнираните евро банкноти.
На новите банкноти треба да има важни европски личности како што е брачната двојка основачи на „Бајонтек“. Нивната работа ги спаси животите на милиони Европејци. Нивниот животен пат е импресивна приказна за интеграција, напредок, претприемништво, научна извонредност и потенцијал на отворено имиграциско општество , нагласи членот на ЕП за „Ди велт“.
Дваесет години по воведување на еврото, Европската Централна Банка почна процес на редизајн на парите. Ставот на јавноста ќе има важен удел во процесот, но ќе минат години пред да биде завршен тој редизајн. Управниот совет на ЕЦБ во 2024 година треба да одлучи за печатењето нови банкноти и кога тие би биле пуштени во оптек.