„Врховниот суд“ на самопрогласените „Народни Републики Доњецк и Луганск“, две украински провинции под контрола на проруските сили, осуди тројца украински државјани кои се обвинети за наводно извршени воени злосторства.
Меѓу осудените е и Максим Буткевич, украински активист за човекови права, новинар и еден од основачите на украинската медиумска организација Хромадске Радио.
The so-called “LDNR” courts sentenced #Ukrainian prisoners of war to huge terms.
Ukrainian human rights activist and founder of Hromadske Radio Maxim Butkevich was sentenced to 13 years in prison. The military Viktor Pokhozey and Vladislav Shel were sentenced to 8.5 and 18.5… https://t.co/GsebW0zUBV pic.twitter.com/GviubfwjeJ
— NEXTA (@nexta_tv) March 10, 2023
Рускиот истражен комитет објави дека Буткевич е прогласен за виновен за наводно злоставување на цивили, употреба на забранети методи во вооружениот конфликт, планирање убиство на две лица и намерно оштетување на туѓ имот.
Буткевич е осуден на 13 години затвор. Судот, исто така, ги осуди и Владислав Шел и Виктор Покозеј, борци во баталјонот Азов кои го бранеа Мариупољ. И двајцата се осудени за наводно злоставување на цивили. Шел е осуден на 18 и пол години, а Покозеј на осум и пол години затвор.
Г.Т.