Санкциите против компаниите кои работат на рускиот гасовод „Северен тек 2“, вклучени во воениот буџет за фискалната 2020 година тежок 738 милијарди долари, а потпишани од американскиот претседател Доналд Трамп, стапија на сила, соопшти Министерството за финансии на САД. Германија и Русија го осудија потегот на официјален Вашингтон и најавија реципрочни мерки. Со идентична реакција се јави и Турција, бидејќи дел од Законот се однесува и на гасоводот „Турски тек“.
Во соопштението на американската администрација се предупредува дека сите страни кои намерно продале, изнајмиле или обезбедиле бродови за учество во инсталацијата на цевки на длабочина од 30,5 метри или повеќе во рамките на изградбата на гасоводите „Северен тек 2“ и „Турски тек“, во согласност со режимот на американски санкции, мора да ги повлечат тие бродови.
Швајцарско-холандската компанија „Олсиз“ соопшти дека ги прекинала сите активности за инсталирање на гасоводот „Северен тек 2“, поради санкциите на САД.
Компанијата наведе дека ќе постапи во согласност со одредбите од Законот за воен буџет на САД и дека американските власти очекуваат насоки за регулаторните и техничките прашања и појаснувања во врска со заштитата на животната средина.
Одлуката на „Олсиз“ го доведува во прашање завршувањето на проектот, вреден 11 милијарди американски долари, што ќе го удвои капацитетот на гасоводот за Германија и што Москва го најави дека ќе биде готов за неколку месеци.
Проектот „Северен тек 2“ вклучува изградба на два нафтоводни крака со вкупен капацитет од 55 милијарди кубни метри гас годишно, што ќе тече од руското крајбрежје преку Балтичкото Море до Германија.
Американскиот Сенат во средата го одобри буџетот за одбрана, кој предвидува, меѓу другото, наметнување санкции за компаниите кои работат на големиот руски проект за гас.
Буџетот за одбранбената политика, вреден повеќе долари, формално познат како Закон за одобрување на националната одбрана (НДАА), опфаќа широк спектар на одбранбена политика и воени трошоци. Трамп воедно најави и формирање на вонземски сили како шеста гранка во армијата на САД во рамки на воената авијација.