Секој ден е можен избор на спикер на Собранието. Спикерот на Собранието ќе ги распише локaланите избори и ќе го отвори патот за избор на нова реформска Влада, изјави денеска Љупчо Николовски од СДСМ одговарајќи на новинарско прашање кога СДСМ и мнозинството ќе изберат нов претседател на Собранието.
Како што рече тој, одблокирањето на Собранието ќе биде дел на мнозинството во Парламентот, бидејќи граѓаните на изборите дале мандат на нова реформска влада.
– Граѓаните после изборите на 11 декември кои беа резултат на договорот од Пржино и на целиот тој процес во изминатиот период дадоа мандат на нова реформска и демократска Влада. Мнозинството во Парламентот е создадено и наша одговорност е токму заради целиот оовј хаос, заради интересот на граѓаните, заради државните интереси, да ги одблокираме процесите и затоа секој ден е можен избор на претседател на Собранието кој ќе ги преземе сите натамошни чекори и распишување на локални избори за да нема хаос во општеството и патот кон избор на нова демократска Влада, рече Николовски дополнувајќи дека се воделе преговори внатре во мнозинството, а не и со ВМРО-ДПМНЕ.
Како што дополни тој, мнозинството предводено од СДСМ имало план и стратегија кои не може да се комуницираат за јавноста гласно преку медиумите заради целиот процес.
– Ние согласно Деловникот поставивме барања коишто малцинството со насилството коешто го прави во Парламанетот не дозволува да се гласа за да се покаже тоа мнозинство, за да се одблокираат институциите и Собранието, да се избере спикер, тоа е неодржливо од аспект од интересите на државата, државните интереси и интересите на граѓаните. Токму затоа е можен секој ден избор на претседател на Собранието и одблокирање на сите процеси во државата вклучително и избор на нова демократска Влада, потенцираше тој.
Николовски од СДСМ дополни дека тие се обидуваат да избегнат било каков конфликт, а таков вели, нема да дозволат ниту помеѓу граѓаните.