Шпанија е прв полуфиналист на Европското фудбалско првенство. „Црвената фурија“ на „Гаспром арена“ во Санкт Петербург ја елиминира Швајцарија по подобро изведување на пенали со 3:1. Мечот во основните 90 минути заврши без победник – 1:1, резултат што остана непроменет и по двете 15-минутни продолженија. Швајцарците од 77 минута играа со фудбалер помалку, по исклучлувањето на Ремо Фројлер.
Швајцарија го одигра вториот меч во нокаут фазата на ова ЕП 2020 во кој пеналите го решаваа победникот. Но, за разлика од дуелот со Франција во осминафиналето, овојпат мораа да се помират со пораз, откако не успеаја да реализираат Шер, Аканџи и Варгас.
Головите во основниот дел од натпреварот ги постигнаа Закариа (автогол) за Шпанија во осмата минута, израмни Џердан Шаќири во 68-та.
Шпанија во полуфиналето ќе игра со подобриот од мечот меѓу Белгија и Италија.