Членовите на Судскиот совет во среда на седница ќе ја разгледуваат состојбата во Кривичниот суд по минатонеделните случувања.
Судиите зад затворени врати ќе разговараат за кривичната пријава која судијата Иван Џолев ја поднесе против претседателот на судот Владимир Панчевски, за инцидентот со вработените во судот и писмото кое 13 судии го поднесоа во кое се вели дека претседателот на судот ја злоупотребувал веб-страницата на судот.
На седницата ќе се разговара и многубројните инспекции кои го посетија судот во текот на минатата недела.
На седницата ќе се разгледа и можноста да се прави вонредна проценка на кандидатите за претседатели на Кривичниот и Врховниот суд.
Оваа можност е предвидена во Законот за Судски совет, а проверката ќе ги опфати кандидатите за претседатели на Кривичниот, Врховниот и судовите во Тетово и Штип.
За претседатели на Кривичниот суд се кандираа актуелниот претседател Владимир Панчевски, и судиите Иван Џолев и Владимир Туфегџиќ, но се погласни се шпекулациите дека ниту еден од овие судии нема да биде избран за претседател. Наместо тоа, во Судскиот совет се планирало, Кривичниот суд да го води в.д. претседател, односно сегашната заменичка на Панчевски, Дијана Груевска.