Член на семејство на германски новинар на „Дојче веле“ е убиен, а друг е тешко повреден во Кабул. Како што наведува „Јутарњи лист“, тоа се случило во рамки на акцијата за „чистење“ на главниот град на Авганистан и на останатите градови и провинции во кои талибанците одат „од врата до врата“ во потрага по своите досегашни политички ривали.
Новинарот, чиј член на семејство е убиен, а друг е тешко повреден, моментно се наоѓа во Германија, но тоа не ги одврати талибанците од намерата. Останатите членови на семејството успеале да побегнат во последен момент и нивната локација на престој засега е непозната.
Генералниот директор на „Дојче веле“, Петер Лимбург најостро го осуди убиството и ги повика германските власти да сторат нешто.
Убивање на блиски членови на семејство на еден од нашите уредници е незамислива трагедија и сведочи за акутната опасност во која се наоѓаат нашите вработени и нивните блиски во Авганистан. Очигледно е дека талибанците организираат потрага прогони и потраги по новинари, како во Кабул, така и во останатите провинции. Време за делување има сè помалку, истакна Лимбург.
„Дојче веле“ јавува дека талибанците досега упаднале во домови на најмалку тројца новинари на медиумот, а се верува дека Нематулах Хемет од приватната ТВ станица „Гаргаш“ е киднапиран, додека Тофан Омар, прв човек на приватната радио станица „Пактиа Гаг“, е убиен.
Талибанците се наверојатно одговорни и за убиството на преведувачот Амдадулах Хамдард, чест соработник на германскиот дневен весник „Ди Цајт“, кој беше пронајден мртов на улица во Џалалабад на 2 август. Месец дена претходно, исто така веројатно од талибанците, беше убиен и познатиот индиски фотограф и добитник на Пулицеровата награда, Даниш Сидики, чие тело беше пронајдено во Кандахар.
Кон апелот на „Дојче веле“ до властите за воспоставување на програма за итно издавање на визи за авганистанските новинари се придружија водечките германски медиуми – „Ди Цајт“, „Дер Шпигел“, „Дојчландрадио“, агенцијата ДПА, „Репортери без граници“, „Зидојче Цајтунг“, „Франкфуртер алгемајне цајтунг“, ТАЗ, РТЛ, Н-ТВ и Арте. Германското новинарство Здружение бара молневита акција од владата, со оглед декработниците на германските медиуми во Авганистан се изложени на напади.