И Нејмар се најде на конечниот список на „кариоките“ за претстојното Светско првенство во Русија. Селекторот Тите ја запиша ѕвездата на ПСЖ за авионот за Москва во очекување дека до почетокот на турнирот ќе се рехабилитира по скршеницата на метатарзалната коска на стопалото што ја здоби во мечот во рамки на француската Лига 1 против Олимпик Марсеј во февруари.
Статус на бразилски репрезентативец ќе има и Касио како трет голман иако е извесно дека чуварот на мрежата на Коринтијанс нема да се изнаигра на мундијалот. Истото се однесува и на дефанзивециот на Гремио, Жеромел. Покрај нив двајца, од домашната сцена е повикан уште одбранбениот играч на Коринтијанс, Фагнер.
Бразил е во групата Е на Светското првенство во Русија заедно со селекциите на Србија, на Швајцарија и на Костарика.
Список на Бразил за Светското првенство во Русија
Голмани: Алисон (Рома), Едерсон (Манчестер сити), Касио (Коринтијанс)
Одбрана: Данило (Манчестер сити), Марсело (Реал Мадрид), Маркињос (ПСЖ), Миранда (Интер), Тиаго Силва (ПСЖ), Фагнер (Коринтијанс), Жеромел (Гремио), Филипе Луиз (Атлетико Мадрид)
Среден ред: Касемиро (Реал Мадрид), Фернандињо (Манчестер сити), Паулињо (Барселона), Фред (Шахтјор Доњецк), Филипе Кутињо (Барселона), Ренато Аугусто (Пекинг), Вилијан (Челзи)
Напад: Нејмар (ПСЖ), Габриел Жезус (Манчестер сити), Роберто Фирмињо (Ливерпул), Тајсон (Шахтјор Доњецк), Даглас Кошта (Јувентус)