Ванче Шиков и Леон Најдовски се враќааат во дефанзивната линија, а Стојанче Велинов во офанзивниот дел на Работнички за утрешниот реванш со Тре Пене во првото коло од квалификацииите за Лига Европа. Дебармаалци имаат гол предност од првиот меч во Сан Марино во кој не славеа со поубедлива разлика само поради избразните реакции. Дека квалитетот е нивна страна беше очигледно на „Серавале“ иако противникот беше пробиен дури во 90 минута по корнерот на Ерера и реализацијата на Митрев.

„Работнички важеше за фаворит пред двомечот со Тре Пене, улога што ја задржува и пред реваншот. По 90. минути на гости нè очекуваат нови како домаќини во кои очекувам поубедлива победа. Таму имавме несоодветни и избрзани реакции на моменти што беа причина да не постигнеме гол во пораната фаза од средбата. Овојпат се надевам дека ќе биде и играчки и резултатски поинаку“, порача Душко Трајчевски, капитен на Работнички.

Реваншот меѓу Работнички и Тре Пене е утре попладне (17,30 ч.) на тренинг комплексот „Петар Милошевски“ при Фудбалската федерација на Македонија. Противник во наредното коло е подобриот од пресметките меѓу Динамо Минск и Рунавик од Фарски Острови. Белорускиот состав славеше во првиот меч на домашен терен со 2:1.