Десет пати се намалил бројот на пријави кои граѓаните ги поднеле до Државната комисија за спречување корупција од 2006 до 2015 година, што според извештајот на Македонски центар за меѓународна соработка може да значи дека кај граѓаните се намалува довербата во оваа институција.
Во 2007 година имало 1.114 пријави, додека во 2015 само 127 пријави за корупција поднесени од граѓаните.
Како што е наведено во извештајот, изминатите десет години, од 2006 до 2015 година најмногу успех имала во едукација на институциите, покажува најновиот извештај на Македонски центар за меѓународна соработка.
Во текот на овие години граѓаните помалку пријавувале корупција.
Во останатите полиња, како што се надзорни и контролни надлежности, соработка со граѓански организации и регистарот за избрани и именувани лице постои потфрлање.
„Наодите покажуваат дека едукацијата на институциите е клучното постигнување на ДКСК. Таа е активна и во следење на судирот на интереси. Постои потфрлање во надзорните и контролните надлежности. ДКСК досега не подготвила посебен извештај за можните злоупотреби на буџетските средства и средствата од јавните фондови за изборна кампања или воопшто за финансирање изборна и друга политичка активност. Опаѓа и следењето на имотната состојба на избраните и именуваните лица. Од 126 проверени во 2011 до 43 проверени во 2015 година. Намален е и бројот на барања за кривично гонење на избрани или именувани лица. Од 27 во 2008 година на 2 во 2015 година“, пишува во извештајот на МЦМС.
Во извештајот исто така се вели дека регистарот на избрани и именувани лица е направен во јуни 2016 година, но тој не е ажуриран.
„Регистарот не е ажуриран бидејќи институциите не доставувале податоци, но ДКСК не покренала постапки пред надлежните судови за глоба на институциите“, пишува во извештајот.
[polldaddy survey=”8A989992862E61CA” type=”slider” title=”Учествувајте во нашата анкета!” body=”Дали Ви се
допадна содржината на видеото?” button=”Започнете »”]