Партијата на слободата на Австрија (ФПО) поднесе жалба против австрискиот канцелар, како и други политичари, поради забава по учеството во ТВ-шоу.

Имено, ФПО наведува дека канцеларот Александар Шаленберг, како и други политичари, по учеството во хуманитарна емисија на јавниот сервис ОРФ „Светлина во темнината“ отишле на забава по снимањето.

Покрај канцеларот, во емисијата учествувале и австрискиот претседател Александар ван дер Белен, вицеканцеларот Вернер Коглер, министерот за здравство Волфганг Микштајн, министерката за одбрана Клаудија Танер, министерот за внатрешни работи Карл Нехамер, министерот за туризам Елизабет Кестингер и министерот за труд Мартин Кохер, но и лидерката на опозициската Социјалдемократска партија (СЈО) Памела Ренди Вагнер.

Фотографиите од телевизијата предизвикаа бројни дебати во јавноста, бидејќи покажуваат како политичарите уживаат и не носат маски и покрај карантинот и строгите мерки. ФПО Виена поднесе пријава за прекршување на епидемиолошки мерки, при што како доказ приложи видео и фото материјал.

Тужба против претседателот, канцеларот и други политичари поднесе и адвокатот од Долна Австрија, Стефан Данзингер, кој моментално е во карантин поради коронавирусот.