Специјалната јавна обвинителска Катица Јанева претпладнево дојде во Обвинителството за организиран криминал и корупција каде е повикана да даде исказ за случајот „Рекет“.
-Се надевам дека со моите аргименти и изјава денеска, ќе ја забрзам истрагата, рече Јанева пред да влезе во зградата на Обвинителството.
Во однос на предметите кои СЈО ги застапува и се поврзани со прислушуваните разговори, Јанева рече дека сите обвинители од СЈО имаат нејзино обвластување да ги застапуваат се надева дека оваа есен ќе има разрешница за поголем број од тие случаи.
Јанева на влезот во Обвинителството ја пречека Стеван Павлески, познат скопски адвокат со кого заедно заедно отидоа на распит.
Таа ќе треба да даде одговор на повеќе прашања кои се отворија во јавноста, откако минатиот месец беше отворен случајот „Рекет“, во кој засега за тргување со влијание обвинети се Бојан Јовановски и Зоран Милески.
Во снимките кои ги објави италијанскиот весник „Ла Верита“ со случајот „Рекет“, во аудио снимките се слуша и гласот на Јанева.
Јанева тогаш изјави во интерес на предистрагите и истрагите кои се водат во СЈО повеќе пати разговарала со разни лица, во обид да се издејствуваат подобри позиции во кривичните предмети, а тоа често се случувало да се одвива преку од нив назначени посредници. Во тој период водела разговор и со Камчев за да стане соработник – сведок во нова предистрага.
Јанева во трето продолжение на Ла Верита: Лиле не може ништо без мене
Последен за „Рекет“ од обвинителите беше сослушан Бурим Рустеми, кој во изјава за медиумите минатата недела рече дека меѓу другото Русковска го прашувала за поврзаноста на овој случај со истрагата за Поштенска Банка која тој ја води.
Претходно сведочеа обвинителките Лиле Стефанова и Елизабета Јосифовска и шефицата на Кабинетот на Јанева.
Обвинителката Фатиме Фетаи, вчера на судењето за предметот „Титаник 3“, одби да го коментира случајот „Рекет“.
– Не би можела да коментирам за тоа. Постапката „Рекет“ ја води друго Обвинителство кое што е надлежно. За тоа навистина не сакам во ниту еден момент да се мешам, нагласи Фетаи и додаде дека секој предмет на кој таа работела е чист.
Второосомничениот за случајот „Рекет“, Зоран Милески – Кичеец вчера беше донесен на распит во Обвинителството за организиран криминал, а вчера во ЈО за случајот беше сослушана и пензионерката Лилјана Тодоровски, која е потписничка на проектот за европски центар на Меѓународниот сојуз на Бојан Јовановски – Боки 13.